係時候要重新嚟過喇！ 唔可以頹廢落去喇。 

呢段時間，我可以考各種唔同嘅試， 錢同報名費唔係問題！ 仲有辦法解決。

我要對自己有承諾， 話咗要讀室內設計就一定要讀.   我唔知我自己適唔適合， 但係我唔可以連試都唔試下就完全放棄。 

我唔要俾人睇死， 3 年！ 我要3年後，所有人都唔會話Vanessa 有幾唔掂！ 我要你哋今日對我做過嘅事而感到對不起！

心態

好亂好亂，我需要整理思想. 

佢一句唔想人哋等，我已經方寸大亂。

依家嘅我真係唔知係一個咩人，

無錢，無愛人，無事業，無樣，無身材，無健康。

其實我依家去自殺都幾岩。

一個禮拜先搵得過$300蚊。人哋一個禮拜都有一千蚊起碼。

我真係好辛苦，話過要做嘅嘢，永遠都做唔到。中意嘅人又唔鍾意我，我年紀唔細喇，26喇，我好驚呀。 我唔想就咁過日子。

上一秒仲同自己講要俾心機，溫書x 考CPA，唔好衰俾人睇，要自己爭氣！ 力爭上游。 下一秒我就洩氣啦。我究竟點㗎。真係好想認真咁做件事，好多麻煩事，我都唔想再理，我想逃避唔想再理佢哋嘅嘢。佢一句說話打擊好大。

我點樣去先唔理佢呀？

一句簡單嘅話，可以令人清醒

「到事情結束嘅一天，我哋男生都會搵一個女生結婚。」

呢句話結束我之前一直都糊塗嘅思想，之前仲係度糾結想開始，但係依家已經清楚不疑。根本無可能發生任何事。

「點解你唔一開始搵個男生係埋一齊」

爲骨氣！男生做到嘅嘢，女生都可以做到，女生唔一定比男生弱。女生都可以好有成就！ 

老闆說的話，女生一定要當自強。

依家嘅男生無一個可以付託終生，與其搵一個比自己仲軟弱嘅人一齊，倒不如，爲自己以後嘅路闖一翻！

自問一條好命，就要更加清楚要增強自己嘅生存能力！

我唔要俾人睇死， 我要你哋一個二個後悔當初對我嘅不是！

從來無咁清醒過

是咁的。　今晚飲咗兩杯，發覺自己真係好有問題。其實我應該好好咁面對自己，用翻最原始嘅方法－－－寫日記。


從畢業開始，呢大半年，我過得一啲都唔開心，覺得自己越嚟越蠢，已經無以前轉數咁快，好多時候想用個腦去諗下嘢我都諗唔到，實曬。

我覺得係時候要清清思維。
我決定，咩事發生都好，每日都要係度寫日記，記底我到底發生過咩事。作為一個記憶又好，檢討自己都好，對以後做准備都好，我會係呢度真真正正咁面對自己。